ප්‍රාදේශීය ලේකම් කාර්යාලය - පේදුරු තුඩුව

தூய்மையான சுற்றுச்சூழலைப் பேணிப் பாதுகாப்பதையும், சமூகப் பொறுப்புணர்வை வலுப்படுத்துவதையும் நோக்கமாகக் கொண்டு, “கிளீன் ஸ்ரீலங்கா” திட்டத்தின் கீழ் “அத்தம” தேசிய தூய்மை தின நிகழ்ச்சித்திட்டம் நாடளாவிய ரீதியில் முன்னெடுக்கப்படுகின்றது.

இதில் முதற்கட்டமாக J/404- தும்பளை, J/407 - புலோலி வடக்கு கிராம அலுவலர் பிரிவுகளில் அமைந்துள்ள மாதனை கற்கோவளம் வீதி மற்றும் சுற்றுச் சூழல் தூய்மைப்படுத்தும் நிகழ்வு எமது செயலக பிரதேச செயலாளர் திரு.ந.திருலிங்கநாதன் அவர்களின் தலைமையிலும், J/386- கெருடாவில் வடக்கு கிராம அலுவலர் பிரிவில் நெற்கொழு குளம் மற்றும் சுற்றுச் சூழல் தூய்மைப்படுத்தும் நிகழ்வு உதவி பிரதேச செயலாளர் திரு.ம.ப.தயானந்தன் அவர்களின் தலைமையிலும், ஏனைய கிராம அலுவலர் பிரிவுகளில் எமது செயலக ஒவ்வொரு உத்தியோகத்தர்கள் தலைமையிலும் இன்று காலை 8.00 மணிக்கு ஆரம்பித்து வைக்கப்பட்டது.

இந் நிகழ்வில் “கிளீன் ஸ்ரீலங்கா” செயற் திட்டத்தின் மாகாண இணைப்பாளர் திரு. எஸ். கபிலன்,

எமது செயலக திட்டமிடல் பணிப்பாளர் திரு.செ.சுபச்செல்வன், கிளீன் ஸ்ரீலங்கா பருத்தித்துறை பிரதேச இணைப்பாளர் மயூரன், பிரதேச சபை உப தவிசாளர், பிரதேச செயலக உத்தியோகத்தர்கள், பருத்தித்துறை மற்றும் வல்வெட்டித்துறை பொலிஸ் நிலைய பொறுப்பதிகாரிகள் ,பருத்தித்துறை பிரதேச சுகாதார உத்தியோகத்தர், பிரதேச சபை உறுப்பினர்கள், நகரசபை உறுப்பினர்கள், சமூக சக்தி தலைவர்கள், இராணுவத்தினர் மற்றும் கிராம மக்கள் உள்ளிட்ட பலரும் கலந்து கொண்டனர். "Humedica"வேலும் மயிலும் பவுண்டேஷன் நிறுவனத்தினால் கையுறை மற்றும் முக்கவசங்களும் இச்செயற்திட்டத்திற்காக வழங்கி வைக்கப்பட்டது.

 

சூழல் நேயமான பொறுப்பான சமூகத்திற்காக நிலையான நேர்மைமிக்க பசுமை கலாசாரத்திற்கு அடித்தளத்தை அமைப்போம் என்னும் தொனிப்பொருளில் எமது செயலகத்தில் டெங்கு ஒழிப்பு சிரமதான பணி முன்னெடுக்கபட்டது.